Elmi kadrlar hesabatı
Dövlət Statistika Komitəsi elmi kadrlar hesabatı yayıb. Rəsmi məlumata görə, 2022-ci ilin əvvəlinə ölkədə 117 ali təhsil müəssisəsi və elmi təşkilatda doktoranturalar fəaliyyət göstərib, onlarda 3321 nəfər təhsil alıb: “Təhsil alanların 77,1 faizi fəlsəfə doktoru, 22,9 faizi elmlər doktoru proqramları üzrə oxuyub. Fəlsəfə doktoru proqramı üzrə təhsil alanların 56,5 faizi 30 yaşadək, elmlər doktoru proqramı üzrə təhsil alanların 32,9 faizi 40 yaşadək şəxslər olub”.
Statistikaya əsasən, fəlsəfə doktoru proqramı üzrə oxuyanların 555-i iqtisad, 310-u filologiya, 302-i texnika, 184-ü tibb, 163-ü aqrar, 113-ü biologiya, 112-si siyasi, 96-sı hüquq, 93-ü tarix, 91-i yer elmləri, 85-i riyaziyyat üzrə, qalanları elmin digər sahələri üzrə təhsil alıb.
Qeyd olunur ki, doktorantlardan 170 nəfər filologiya, 103 nəfər aqrar, 75 nəfər iqtisad, 59 nəfər texnika, 50 nəfər tarix, 38 nəfər biologiya, 37 nəfər kimya, 34 nəfər tibb, 32 nəfər sənətşünaslıq, 29 nəfər pedaqogika, 26 nəfər yer elmləri, 24 nəfər hüquq, 23 nəfər siyasi elmlər, 20 nəfər fizika üzrə, 42 nəfər digər sahələr üzrə oxuyub.
