Hasilat razılaşması, Azərbaycanın kvotası
İri neft ixracatçılarını birləşdirən OPEK+ koalisiyası (OPEK-dən Anqola, Birləşmiş Ərəb Əmirlikləri, Ekvatorial Qvineya, Əlcəzair, İraq, Konqo, Küveyt, Qabon, Nigeriya, Səudiyyə Ərəbistanı və qeyri-OPEK ölkələri (Azərbaycan, Bəhreyn, Bruney, Cənubi Sudan, Qazaxıstan, Malayziya, Meksika, Oman, Rusiya, Sudan) iyunun 2-də yeni hasilat razılaşması əldə edib. Novator.az bildirir ki, birgə qərara görə, iyul ayında Azərbaycanın gündəlik xam neft hasilatı 706 min barreli ötməməlidir.
Gündəlik hasilat yanvarda 580,9 min barrel, fevralda 566,3 min barrel, martda 579,4 min barrel, apreldə 579,1 min barrel göstərilib. İyun üçün gündəlik hasilat norması 695 min barreldir.
2022-ci ilin dövlət büdcəsində bir barrel neftin qiyməti 50 dollardan götürülüb. “AzəriLayt” markalı Azərbaycan nefti yanvara 82,49, fevrala 94,20, marta 102,30, aprelə 112,33, maya 110,70, iyuna 127,48 dollarla başlayıb.
