İyunun siftə qiyməti, hasilat norması
Energetika Nazirliyinin təqdimatına görə, “AzəriLayt” markalı Azərbaycan neftinin barreli iyun ayına 127,48 dollarla start verib. Novator.az bildirir ki, bu, ilin əvvəli ilə müqayisədə 44,99 dollar yuxarı qiymətdir.
2022-ci ilin dövlət büdcəsində bir barrel neftin qiyməti 50 dollardan götürülüb. “AzəriLayt” yanvara 82,49, fevrala 94,20, marta 102,30, aprelə 112,33, maya 110,70 dollarla başlayıb.
Gündəlik xam neft hasilatı yanvarda 580,9 min barrel, fevralda 566,3 min barrel, martda 579,4 min barrel, apreldə 579,1 min barrel göstərilib.
İri neft ixracatçılarını birləşdirən koalisiya iyun üçün gündəlik hasilatı 695 min barrel müəyyən edib.
