Neftsiz ixrac nə qədər artıb?
İqtisadi İslahatların Təhlili və Kommunikasiya Mərkəzi bildirir ki, 2022-ci ilin yanvar-aprel aylarında Azərbaycan 965,5 milyon ABŞ dolları dəyərində qeyri-neft məhsulu ixrac edib, bu göstərici 2021-ci ilin eyni dövrü ilə müqayisədə 38,5 faiz artıb.
İxrac edilən malların siyahısında pambıq mahlıcı 102,5 milyon dollarla birinci, karbamid 68,2 milyon dollarla ikinci, tomat (pomidor) 58,2 milyon dollarla üçüncü yerdə göstərilir, əsas ünvanlar siyahısında Türkiyə, Rusiya, Gürcüstan, İsveçrə, ABŞ, İtaliya, Braziliya, Niderland, Özbəkistan, Qazaxıstan, Rumıniya, Latviya qərar tutur.
