“Azərbaycan Dəmir Yolları” Qapalı Səhmdar Cəmiyyəti (QSC) yenilənmiş strukturunu dərc edib. Novator.az bildirir ki, Müşahidə Şurasına rəqəmsal inkişaf və nəqliyyat naziri Rəşad Nəbiyev sədrlik edir. Qalan üzvlər bu şəxslərdir: Emin Hüseynov, Azər Mursaqulov, Ruslan Əlixanov, Emil Məcidov.

İdarə Heyətində sədr postu boşdur. Bu vəzifəni QSC-nin sədri tutmalıdır.

Üzvlər belə sıralanır: Əlirza Süleymanov (QSC sədrinin birinci müavini), İqbal Hüseynov (QSC sədrinin müavini), Zaman Novruzov (QSC sədrinin müavini), Hicran Valehov (QSC sədrinin müavini), Vüsal Aslanov (QSC sədrinin müavini), Mahir Əliyev (“Naxçıvan Dəmir Yolları”nın direktoru).

Mayın 24-də prezident İlham Əliyev Cavid Qurbanovu “Azərbaycan Dəmir Yolları”nın sədri vəzifəsindən çıxararaq rəqəmsal inkişaf və nəqliyyat nazirinin müavini təyin edib. Bəzi media orqanları sədr səlahiyyətlərinin icrasının Hicran Valehova həvalə olunduğunu iddia etsə də, bu barədə rəsmi bilgi yoxdur.

Hicran Valehov 2016-cı ildən QSC sədrinin müavinidir.