Mayın 24-də sərəncam imzalayan prezident İlham Əliyev Cavid Qəmbər oğlu Qurbanovu “Azərbaycan Dəmir Yolları” Qapalı Səhmdar Cəmiyyətinin sədri vəzifəsindən azad edib. Başqa sərəncamla Cavid Qurbanov rəqəmsal inkişaf və nəqliyyat nazirinin müavini postuna təyinat alıb.
Cavid Qurbanov 1958-ci ildə Kəlbəcərin Ağdaban kəndində doğulub. Azərbaycan İnşaat Mühəndisləri İnstitutunu (indiki Azərbaycan Memarlıq və İnşaat Universiteti) bitirib.
“Azəravtoyol” Dövlət Şirkətinin prezidenti, “Avtoərzaqnəqliyyat” Birliyinin baş direktoru, Dövlət Dəmir Yolu İdarəsinin Bakı bölməsinin təchizat şöbəsinin rəisi, Azərbaycan Dövlət Dəmir Yolu rəisinin müavini – “Azərdəmiryolservis” İstehsalat Birliyinin rəisi, Nəqliyyat Nazirliyinin “Yolnəqliyyatservis” Departamentinin rəisi, “Azəryolservis” ASC-nin sədri olub. “Azərbaycan Dəmir Yolları” QSC-yə 2015-ci ildən sədrlik edirdi.
Dövlət başçısının 24 may 2022-ci il sərəncamları ilə Samir Qaçay oğlu Məmmədov və Fərid Turab oğlu Əhmədov da rəqəmsal inkişaf və nəqliyyat nazirinin müavini təyin olunublar.
