Yeni seçki, həmin adam
Balakişi Qasımov yenidən İctimai Televiziya və Radio Yayımları Şirkətinin baş direktoru seçilib. Novator.az-ın məlumatına görə, o, şirkətin Yayım Şurasının 24 may iclasında yekdilliklə dəstək alıb.
Baş direktorun səlahiyyət müddəti 4 ildir. Balakişi Qasımov ilk dəfə 2018-ci il iyunun 1-də baş direktor seçkisinin qalibi olmuşdu.
İctimai Televiziya və Radio Yayımları Şirkəti 2005-ci ildən fəaliyyət göstərir. Baş direktor postunu 2005-2013-cü illərdə İsmayıl Ömərov, 2013-2018-ci illərdə Cəmil Quliyev tutub.
9 nəfərdən ibarət Yayım Şurasına akademik Muxtar İmanov sədrlik edir.
