Sərmayə statistikası
2022-ci ilin yanvar-aprel aylarında Azərbaycanın iqtisadi və sosial sahələrinə 3 milyard 678 milyon manat sərmayə qoyulub. Hesabatı yayan Dövlət Statistika Komitəsi bildirir ki, investisiyanın 56,5 faizi məhsul istehsalı sahələrinin, 37,2 faizi xidmət sahələrinin, 6,3 faizi yaşayış evlərinin tikintisinə gedib.
Ümumi vəsaitdə müəssisə və təşkilatların payı 1940,8 milyon manat, büdcə vəsaitləri 1252,5 milyon manat, əhalinin şəxsi vəsaitləri 270,6 milyon manat, sair vəsaitlər 154,5 milyon manat, bank kreditləri 59,6 milyon manat göstərilir.
Rəsmi açıqlamaya görə, xarici müəssisə və təşkilatlar əsas kapitala 988,4 milyon manat yönəldib, həmin vəsaitin 97,1 faizi Böyük Britaniya, İsveçrə, ABŞ, Yaponiya, Türkiyə, Norveç, Rusiya, İran, Hindistan və Malayziya sərmayədarlarına məxsus olub.
