2022-ci ilin yanvar-aprel aylarında Azərbaycan 6,5 milyard dollarlıq xam neft və xam neft məhsulu ixrac edib. Novator.az bildirir ki, Dövlət Gömrük Komitəsi ixrac ünvanlarını statistik dəyərə görə belə sıralayıb: İtaliya, İsrail, Portuqaliya, Böyük Britaniya, Hindistan, Ukrayna, İspaniya, Tailand, Almaniya, Tunis, Vyetnam, Rumıniya, Çexiya, Xorvatiya, İsveçrə, Türkiyə, Belarus, Avstriya, İrlandiya, Rusiya, Gürcüstan.
Energetika Nazirliyinin 20 may məlumatına görə, “AzəriLayt” markalı Azərbaycan neftinin barreli 118,99 dollara satılır.
2022-ci ilin dövlət büdcəsində bir barrel neftin qiyməti 50 dollardan götürülüb. “AzəriLayt” yanvara 82,49, fevrala 94,20, marta 102,30, aprelə 112,33, maya 110,70 dollarla başlayıb.
2022-ci ilin yanvar-aprel aylarında Azərbaycanda kondensatla birlikdə 11,1 milyon ton neft çıxarılıb.
Gündəlik xam neft hasilatı yanvarda 580,9 min barrel, fevralda 566,3 min barrel, martda 579,4 min barrel, apreldə 579,1 min barrel olub.
İri neft ixracatçılarını birləşdirən koalisiya may üçün gündəlik hasilatı 688 min barrel, iyun üçün 695 min barrel müəyyən edib.
