Makroiqtisadi göstəricilər
2022-ci ilin yanvar-aprel aylarında Azərbaycanda kənd təsərrüfatının ümumi məhsulu ötən ilin eyni dövrünə nəzərən 3,6 faiz artıb (heyvandarlıq məhsulları 2,8 faiz, bitkiçilik məhsulları 14,8 faiz). Dövlət Statistika Komitəsi belə makroiqtisadi hesabat yayıb.
Novator.az bildirir ki, rəsmi bilgiyə görə, dörd ayda nəqliyyat sektorunda yük daşınması 2021-ci ilin yanvar-aprel ayları ilə müqayisədə 7,7 faiz, sərnişin daşınması 36,5 faiz yüksəlib.
İnformasiya və rabitə xidmətlərinin həcmində 14,8 faiz, əhaliyə göstərilən ödənişli xidmətlərin dəyərində real ifadədə 6,9 faiz, ictimai iaşə dövriyyəsində real ifadədə 1,7 dəfə artım qeydə alındığı vurğulanır.
Qeyd olunur ki, əhalinin gəlirləri nominal ifadədə 19,5 faiz artıb, yanvar-aprel aylarında dövlət büdcəsinə 10 milyard 687,6 milyon manat daxil olub, büdcədən 8 milyard 168,7 milyon manat xərclənib.
2022-ci il aprelin 1-nə bank və digər kredit təşkilatlarının kredit portfeli milli valyuta ekvivalentində 18 milyard 7,8 milyon manat, əhalinin banklardakı əmanətlərinin milli valyuta ekvivalentində məbləği 10 milyard 372 milyon manat göstərilib.
Ümumi daxili məhsul nə qədər artıb?
Ticarət və daşınma hesabatları
