Fransada parlament marafonu, ilkin sorğular
Fransa parlament seçkisi kampaniyasına qədəm qoyub. Novator.az bildirir ki, aşağı palataya – Milli Məclisə seçkinin ilk turu iyunun 12-nə, ikinci turu iyunun 19-na təyin edilib.
Milli Məclis 577 təkmandatlı dairədə seçilir. İlk turda seçilmək üçün sadə səs çoxluğu (50 faiz+) tələb olunur.
Son rəy sorğularına görə, Sosialist Partiyası, Kommunist Partiyası, Fəthedilməz Fransa Partiyası və başqa solçuları birləşdirən blok 31 faizlə öndə göstərilir.
Prezident Emmanuel Makronun İntibah Partiyasını və müttəfiqlərini seçicilərin 27 faizi dəstəkləyir.
1977-ci il təvəllüdlü Emmanuel Makron 2017 və 2022-ci illərdə prezident seçilib.
İfrat sağ qüvvənin – Marin Le Penin Milli Birlik Partiyasının mümkün səsi 19 faizdir.
Respublikaçılar Partiyası və müttəfiqləri 9,5 faiz səsə ümid edir.
İntibah Partiyası və müttəfiqləri 2017-ci ildə seçilmiş indiki parlamentdə 346 mandatla təmsil olunur. 198 deputat müxalif qurumları təmsil edir, 23 deputat fraksiyalara daxil deyil.
Fransa parlamentinin 348 nəfərlik yuxarı palatasını – Senatı bölgələrdəki kollegiyalar seçir.
Milli Məclisin səlahiyyət müddəti 5 il, Senatın səlahiyyət müddəti 6 ildir.
