Fransa: yeni hökumət qurulur
Fransada yeni hökumət qurulur. Mayın 16-da prezident Emmanuel Makron Elizabet Bornu baş nazir təyin edərək ona kabinet formalaşdırmağı tapşırıb.
Novator.az bildirir ki, 1961-ci il təvəllüdlü Elizabet Born mühəndisdir, Emmanuel Makronun ilk prezidentliyi dövründə nəqliyyat, ekoloji keçid və əmək naziri postlarını tutub.
1977-ci il təvəllüdlü Emmanuel Makron əsası 2016-cı ildə qoyulmuş İntibah Partiyasının lideridir. 2017-ci il mayın 7-də və 2022-ci il aprelin 24-də prezident seçilib.
2017-ci ildən Fransaya Eduar Filipp, 2020-ci ildən Jan Kasteks baş nazirlik edib.
