Ticarət və daşınma hesabatları
Dövlət Statistika Komitəsi bildirir ki, 2022-ci ilin yanvar-mart aylarında Azərbaycanın hüquqi və fiziki şəxsləri 152 ölkədəki tərəfdaşları ilə ticarət əməliyyatları həyata keçirib, 100 ölkəyə məhsul ixrac olunub, 140 ölkədən idxal qeydə alınıb. Hesabata görə, 2021-ci ilin yanvar-mart ayları ilə müqayisədə xarici ticarət dövriyyəsi faktiki qiymətlərlə 1,7 dəfə, real ifadədə 9,5 faiz, o cümlədən ixrac 16,8 faiz artıb, idxal 3,7 faiz azalıb.
Başqa bir rəsmi açıqlamaya əsasən, yanvar-mart aylarında Avropa-Qafqaz-Asiya nəqliyyat dəhlizinin Azərbaycan hissəsində daşınmış yüklərin həcmi əvvəlki ilin eyni dövrü ilə müqayisədə 6,7 faiz artıb.
