Sərmayə və sənaye göstəriciləri
Dövlət Statistika Komitəsi bildirir ki, 2022-ci ilin yanvar-aprel aylarında əsas kapitala 3 milyard 678 milyon manat məbləğində, 2021-ci ilin eyni dövrü ilə müqayisədə 5,3 faiz az vəsait yönəldilib. Hesabata görə, neft-qaz sektoruna investisiyalar 29,9 faiz azalıb, qeyri neft-qaz sektoruna yönəldilən vəsait 17,9 faiz artıb.
Başqa rəsmi məlumata əsasən, müəssisələr və fərdi sahibkarlar yanvar-aprel aylarında 27,4 milyard manatlıq, 2021-ci ilin eyni dövrünə nəzərən 2,7 faiz çox sənaye məhsulu istehsal edib, neft-qaz sektorunda məhsul istehsalı 0,3 faiz, qeyri neft-qaz sektorunda 15,1 faiz artıb.
