Balakişi Qasımov ikinci müddətə doğru
İctimai Televiziya və Radio Yayımları Şirkətinin Yayım Şurası baş direktor postuna 8 nəfərin namizədliyini alıb. Rəsmi məlumata görə, Audiovizual Şuradan keçən namizədlər bunlardır: Balakişi Qasımov (indiki baş direktor), Rəşad Nəsirov, Tural Məmmədzadə, Anar Həsənov, Təranə Abbasova, Ədalət Əliyev, Üzeyir Əlizadə, Anar Nağıyev.
Balakişi Qasımov 2018-ci il iyunun 1-i İctimai Televiziya və Radio Yayımları Şirkətinin Yayım Şurasının iclasında baş direktor seçilib.
Baş direktorun səlahiyyət müddəti 4 ildir.
İctimai Televiziya və Radio Yayımları Şirkəti 2005-ci ildən fəaliyyət göstərir. 2005-2013-cü illərdə quruma İsmayıl Ömərov, 2013-2018-ci illərdə Cəmil Quliyev baş direktorluq edib.
