2022-ci il aprelin 1-nə Azərbaycan iqtisadiyyatında muzdla çalışan işçilərin orta aylıq nominal əməkhaqqı ötən ilin eyni dövrünə nisbətən 13,4 faiz artaraq 809 manat olub. Hesabatı Dövlət Statistika Komitəsi yayıb.

Novator.az bildirir ki, başqa rəsmi məlumata görə, yanvar-aprel aylarında istehlak qiymətləri 2021-ci ilin dörd ayına nəzərən 12,4 faiz artıb, ərzaq məhsulları, içkilər və tütün məmulatları 17,4 faiz, qeyri-ərzaq məhsulları 6,4 faiz, əhaliyə göstərilən ödənişli xidmətlər 10,2 faiz bahalaşıb.