Aksiya anonsu
Bir qrup fəal Bakının Fəvvarələr meydanından Daxili İşlər Nazirliyinin binasına yürüş qərarı verib. Aksiya mayın 14-ü saat 15-ə təyin olunub.
“Turan”ın məlumatına görə, fəalların yaydığı müraciətdə tanınmış ictimai-siyasi şəxslərə qarşı zorakılığa etiraz yer alır, siyasətçi Tofiq Yaqublunun döyüldüyü, ictimai-siyasi fəal Bəxtiyar Hacıyevin oğurlanaraq təhdidlərə məruz qaldığı, jurnalist Aytən Məmmədovanın ölümlə hədələndiyi xatırladılır: “Hüquq mühafizə orqanlarının bu cinayətləri araşdırmaması onu göstərir ki, cinayətlər sistemli xarakter daşıyır. Cəmiyyət olaraq etiraz etməsək, daha ağır cinayətlər, o cümlədən siyasi qətllər baş verəcək”.
Aksiyanın təşkilatçıları sırasında Bəxtiyar Hacıyev, Ülvi Həsənli, Mehman Hüseynov, İlkin Rüstəmzadə, Zaur Əkbər, Rüfət Səfərov, Tofiq Yaqublu, Nərmin Şahmarzadə, Ruslan İzzətli, Fuad Əhmədli, Fatimə Mövlamlı, Qiyas İbrahimov, Nemət Kərimli, Səxavət Soltanlı, Sənubər Heydərova və başqaları var.
