Vergidən gəlir
İqtisadiyyat Nazirliyi bildirir ki, yanvar-aprel aylarında Dövlət Vergi Xidmətinin xətti ilə 2022-ci ilin büdcəsinə 5 milyard 35,4 milyon manat gəlib, vergi daxilolmaları ötən ilin eyni dövrü ilə müqayisədə 55,2 faiz artıb.
Məcburi dövlət sosial sığorta haqları üzrə daxilolmalar 1 milyard 448,8 milyon manat göstərilir (ötən ilin ilk dörd ayına nəzərən 19,3 faiz çox).
İşsizlikdən sığorta haqları üzrə daxilolmaların ötən ilin yanvar-aprel ayları ilə müqayisədə 19,2 faiz artaraq 49,2 milyon manat olduğu bildirilir.
Hesabata görə, 2022-ci il mayın 1-nə 685446 aktiv vergi ödəyicisi qeydə alınıb.
