2022-2023 mövsümünün detalları
2022-2023 mövsümündə UEFA-nın klub turnirlərinə ümumilikdə 234 komanda buraxıla bilər. Çempionlar Liqasında 78, Avropa Liqasında 21, Konfrans Liqasında 135 komandanın start götürməsi nəzərdə tutulur.
Novator.az bildirir ki, Çempionlar Liqasının ilkin mərhələsinə 4, birinci mərhələsinə 29, ikinci mərhələsinə 9, üçüncü mərhələsinə 8, dördüncü mərhələsinə 2, qrup mərhələsinə 26 birbaşa vəsiqə var.
İlkin, birinci mərhələlərdə ələnən komandalar Konfrans Liqasına, ikinci, üçüncü, dördüncü mərhələlərdə ələnən, qruplarda üçüncü yeri tutan komandalar Avropa Liqasına köç edəcək.
Avropa Liqasının birinci mərhələsinə 2, ikinci mərhələsinə 7, qrup mərhələsinə 12 birbaşa bilet ayrılıb.
Birinci və ikinci mərhələlərdə ələnən, qruplarda üçüncü yeri tutan komandalar Konfrans Liqasına keçəcək.
Konfrans Liqasının birinci mərhələsinə 62, ikinci mərhələsinə 59, üçüncü mərhələsinə 9, dördüncü mərhələsinə 5 birbaşa vəsiqə var.
2022-2023 mövsümü iyunun 21-də Çempionlar Liqası ilə açılır, 2023-cü il iyunun 10-da həmin turnirin final matçı ilə bitir.
Konfrans Liqasının startı iyulun 7-nə, finişi 2023-cü il iyunun 7-nə təyin olunub.
Avropa Liqası avqustun 4-də başlayır, 2023-cü il mayın 31-də final oyunu ilə başa çatır.
Azərbaycan çempionu “Qarabağ” Çempionlar Liqasında mübarizəyə birinci mərhələdən (5-13 iyul) qoşulur.
Gümüş və bürünc mükafatçılar, həmçinin kubok sahibi Konfrans Liqasında oynayacaq, ikinci mərhələdə (21-28 iyul) siftə edəcək.
