Dolların sükutu
Mərkəzi Bank mayın 6-da ABŞ dollarını yenə 1,7 manata təklif edir. Bu məzənnə mayın 10-dək qüvvədədir, beləliklə, qiymət sabitliyinin 4 il 2 ayı tamamlanır.
2015-2016-cı illərdə dolların rəsmi kursu 0,7844 manatdan 1,7707 manata yüksəlib. 2017-ci ili 1,7001 manatla yola salan dollar 2018-ci il martın 7-dən 1,7 manatadır.
Novator.az bildirir ki, Dövlət Neft Fondu Mərkəzi Bankın 2022-ci ilin yanvar-aprel aylarında keçirdiyi valyuta hərraclarında 2 milyard 173,1 milyon ABŞ dolları məbləğində vəsait satıb. Yanvarın hərraclarında fonddan 727 milyon dollar, fevralın hərraclarında 371,2 milyon dollar, martın hərraclarında 526,2 milyon dollar, aprelin hərraclarında 548,7 milyon dollar alınıb.
Manatı qorumağa 2016-cı ildə 4,9 milyard, 2017-ci ildə 3,6 milyard, 2018-ci ildə 6,5 milyard, 2019-cu ildə 6,6 milyard, 2020-ci ildə 7,3 milyard, 2021-ci ildə 6,7 milyard dollar sərf olunub.
