Neftsiz ixracın artımı, əsas mallar
İqtisadi İslahatların Təhlili və Kommunikasiya Mərkəzinin hesabatına görə, 2022-ci ilin yanvar-mart aylarında Azərbaycandan 727,2 milyon ABŞ dolları dəyərində qeyri-neft məhsulu ixrac olunub, bu göstərici 2021-ci ilin ilk rübü ilə müqayisədə 45% artıb.
İxrac malları siyahısında pambıq mahlıcı (72,2 milyon dollar), karbamid (53,2 milyon dollar), qabığı təmizlənmiş meşə fındığı (39,5 milyon dollar) öndə göstərilir.
Əsas ünvanlar siyahısında Türkiyə, Rusiya, Gürcüstan, İsveçrə, ABŞ, İtaliya, Braziliya, Niderland, Rumıniya, Qazaxıstan, Çin, Ukrayna yer alır.
