Çempionlar Liqası: mərhələlər, komandalar
UEFA Çempionlar Liqasının 2022-2023 mövsümü ilkin təsnifat mərhələsi ilə (21-24 iyun) start götürür. Novator.az bildirir ki, həmin raunda İslandiyadan “Vikinqur”, Estoniyadan “Levadiya” vəsiqəni təmin edib.
Birinci mərhələnin (5-13 iyul) bu iştirakçıları bəllidir: Norveçdən “Bode-Qlimt”, İsveçdən “Malmö”, Bolqarıstandan “Ludoqorets”, Qazaxıstandan “Tobol”, Macarıstandan “Ferensvaroş”, Belarusdan “Şaxtyor”, Slovakiyadan “Slovan”, Litvadan “Jalgiris” (Vilnüs), Bosniyadan “Zrinski”, İrlandiyadan “Şemrok Rovers”, Şimali Makedoniyadan “Şkupi”, Latviyadan RFS, Gürcüstandan “Dinamo” (Batumi), Finlandiyadan HİK, Farer adalarından “Klaksvik”, Cəbəllütariqdən “Linkoln”, Uelsdən “Nyu Sents”.
İkinci mərhələyə (19-27 iyul) liqalar yolu ilə Avstriyadan “Şturm”, Ukraynadan “Dinamo” düşüb.
Üçüncü mərhələ (2-9 avqust) hələlik komandasızdır.
Dördüncü mərhələdə (16-24 avqust) Ukraynadan “Şaxtyor” var.
Qrup mərhələsində (6 sentyabr-2 noyabr) İngiltərədən “Mançester Siti”, “Liverpul”, İspaniyadan “Real”, İtaliyadan “Milan”, “İnter”, Almaniyadan “Bavariya”, “Borussiya” (Dortmund), Fransadan PSJ, Portuqaliyadan “Portu”, Avstriyadan “Zalsburq” yer alır.
Portuqaliyadan “Sportinq”, “Benfika”, Şotlandiyadan “Seltik”, “Reyncers”, Türkiyədən “Trabzonspor”un turnirə hansı mərhələdən qoşulacağı hələ bilinmir.
İlkin, birinci mərhələlərdə ələnən komandalar Konfrans Liqasına, ikinci, üçüncü, dördüncü mərhələlərdə ələnən, qruplarda üçüncü yeri tutan komandalar Avropa Liqasına köç edəcək.
Rusiyanın klubları beynəlxalq yarışlara buraxılmır.
