Finala yarım addım
UEFA Çempionlar Liqasının 2021-2022 mövsümündə yarımfinalın ilk oyunları arxada qalıb. Aprelin 27-də keçirilmiş “Liverpul” – “Vilyarreal” matçında meydan sahibləri 2 cavabsız üstün gəlib.
“Mançester Siti” – “Real” cütlüyünün 26 aprel görüşündə 4:3 hesabı qeydə alınmışdı.
Novator.az bildirir ki, 1955-ci ildən keçirilən, 1991-ci ilə qədər Çempionlar kuboku adlanmış turnirdə 22 komandanın zəfəri var. “Real” 13, “Milan” 7, “Bavariya”, “Liverpul” 6, “Barselona” 5, “Ayaks” 4, “İnter” (İtaliya), “Mançester Yunayted” 3, “Benfika”, “Nottingem Forest”, “Yuventus”, “Portu”, “Çelsi” 2, “Seltik”, “Feyenoord”, “Aston Villa”, “Hamburq”, “Styaua”, PSV, “Srvena Zvezda”, “Marsel”, “Borussiya” (Dortmund) 1 titula sahibdir.
2021-2022 mövsümünün finalı mayın 28-nə (Paris) təyin edilib.
