Zelenski qərar versə, ABŞ dəstəkləyəcək – Blinken
“Ukrayna prezidenti Vladimir Zelenski rus qoşunlarını ölkənin şərqindən sıxışdırıb çıxarmağı qarşısına məqsəd qoysa, ABŞ bu işdə Kiyevə dəstək verəcək”. Novator.az-ın məlumatına görə, bunu ABŞ-ın dövlət katibi Entoni Blinken aprelin 26-sı Senatın beynəlxalq əlaqələr komitəsində keçirilən dinləmədə bəyan edib.
Dövlət katibi bildirib ki, Ukrayna suveren, müstəqil, demokratik ölkə kimi belə bir hədəf seçsə, Vaşinqtonun bu məsələdə də dəstəyini qazanacaq.
Ukraynanın şərqi – Donbas bölgəsinin bir hissəsi 2014-cü ildən Rusiyanın dəstəklədiyi separatçıların nəzarətindədir.
2014-cü ildə Rusiya Ukraynanın Krım yarımadasını zəbt edərək özünə birləşdirib, Donbas bölgəsinin bir hissəsində isə iki separatçı rejim qurub.
2022-ci il fevralın 21-də Rusiya “Donetsk Xalq Respublikası” və “Luqansk Xalq Respublikası” adları verilmiş həmin rejimləri müstəqil dövlətlər kimi tanıyıb, fevralın 24-dən isə Ukraynada total hərbi əməliyyatlara başlayıb.
Mənbə: Nytimes.com
