Ümumi təhsil müəssisələrinin növləri dəyişir
“Ümumi təhsil haqqında” qanun yenilənir. Novator.az bildirir ki, parlamentin 26 aprel iclasında qanuna ilk oxunuşda yeni anlayış əlavə edilib: inteqrasiya təlimli təhsil müəssisəsi – sağlamlıq imkanları məhdud şəxslərlə sağlam şəxslərin birgə təhsil alması üçün xüsusi şərait yaradılmış ümumi təyinatlı və ya internat tipli təhsil müəssisəsi.
Başqa bir yeniliyə əsasən, ümumi təhsil müəssisələrinin növləri belə sıralanır: ibtidai ümumtəhsil məktəbi; ümumi orta ümumtəhsil məktəbi; tam orta ümumtəhsil məktəbi; lisey; gimnaziya; inteqrasiya təlimli ümumtəhsil məktəbi; xüsusi ümumtəhsil məktəbi; ümumi təyinatlı internat tipli ümumtəhsil məktəbi; internat tipli lisey; internat tipli gimnaziya; inteqrasiya təlimli internat tipli ümumtəhsil məktəbi; internat tipli xüsusi ümumtəhsil məktəbi; internat tipli sanator ümumtəhsil məktəbi; digər məktəblər.
