Avropanın iki aparıcı milli futbol çempionatında qalib bəllidir. Novator.az-ın məlumatına görə, Almaniya çempionatında sona üç tur qalmış “Bavariya” 75 xalla rəqibləri üçün əlçatmaz olub. Bu, 1900-cü ildə yaradılmış komandanın 32-ci çempionluğudur.

Fransa çempionatında PSJ finişə dörd tur qalmış 78 xalla qızıl medalları təmin edib. Bu, 1970-ci ildə yaradılmış komandanın 10-cu zəfəridir.

İngiltərə çempionatında “Mançester Siti” 80 xalla öndədir. “Liverpul”un 79, “Çelsi”nin 65, “Arsenal”ın 60, “Tottenhem”in 58, “Mançester Yunayted”in 54, “Vest Hem”in 52 xalı var.

İspaniya çempionatında “Real” 78 xalla liderdir. “Barselona” və “Sevilya” 63, “Atletiko” 61, “Betis” 57, “Real Sosyedad” 55, “Vilyarreal” 52 xal yığıb.

İtaliya çempionatında “Milan” 74 xalla zirvədədir. “İnter” 72, “Napoli” 67, “Yuventus” 63 xal əldə edib.