Tullantılar hesabatı
Dövlət Statistika Komitəsi bildirir ki, 2021-ci ildə Azərbaycanda 3 milyon 778,2 min ton tullantı əmələ gəlib, bunun 68,3 faizi bərk məişət tullantıları, 31,7 faizi müəssisələrin istehsal fəaliyyəti nəticəsində yaranmış tullantılar kimi rəsmiləşib.
Hesabata görə, bərk məişət tullantılarının 78,3 faizi zərərsizləşdirmək məqsədilə poliqonlara daşınıb, 21,3 faizi enerji əldə edilməsi məqsədilə istifadə olunub, 0,4 faizi ölkədə satılıb. Məişət tullantılarından istifadə hesabına 193,2 milyon kilovat-saat elektrik enerjisi istehsal edildiyi qeyd olunur.
İstehsalat tullantılarının 12,3 faizinin müəssisələrdə xammal kimi istifadə edildiyi, 34,2 faizinin ölkə daxilində satıldığı, 1,8 faizinin ixrac olunduğu, 6,9 faizinin zərərsizləşdirmək məqsədilə poliqonlara daşındığı, 44,8 faizinin müəssisələrdə qaldığı vurğulanır.
