Sərvətinin yarıdan çoxunu itirən Vahid Ələkbərov prezidentlikdən getdi
Azərbaycanlı iş adamı Vahid Ələkbərov Rusiyanın “Lukoyl” neft şirkətinin prezidenti postundan gedib, həmçinin Direktorlar Şurasından ayrılıb. Xəbər aprelin 21-də yayılıb.
1950-ci ildə Bakıda doğulan Vahid Ələkbərov 1993-cü ildən “Lukoyl”un prezidenti idi.
Novator.az bildirir ki, Vahid Ələkbərov uzun müddət Rusiyanın ən zəngin adamlarının ilk onluğunda yer alıb.
2022-ci il fevralın 20-nə Vahid Ələkbərovun 21,7 milyard dollar sərvəti olub.
Martın 1-nə onun varidatı 14 milyard, aprelin 1-nə isə 17,4 milyard dollar azalıb.
Vahid Ələkbərovun qısa müddətdə 17,4 milyard dollar itirməsinə Rusiyanın Ukraynaya fevralın 21-dən başlanan yeni təcavüzündən sonra dünya birliyinin tətbiq etdiyi iqtisadi sanksiyalar səbəb olub.
Vahid Ələkbərov Rusiya milyarderləri arasında sanksiyalardan ən çox ziyan çəkən iş adamıdır.
