Naxçıvanın makroiqtisadi göstəriciləri
Naxçıvan Muxtar Respublikasının Dövlət Statistika Komitəsi makroiqtisadi hesabat yayıb. Rəsmi məlumata görə, 2022-ci ilin ilk rübündə bölgədə 570,3 milyon manatlıq (bir il öncəkindən 1,5 faiz çox) ümumi daxili məhsul istehsal olunub.
Hər bir nəfərə düşən ümumi daxili məhsulun həcmi 1231,4 manat göstərilir.
Açıqlamaya əsasən, 2021-ci ilin ilk rübü ilə müqayisədə sənayedə 1,5 faiz, əsas kapitala yönəldilən vəsaitlərdə 1,2 faiz, kənd təsərrüfatında 3,8 faiz, nəqliyyatla yük daşınmasında 1,4 faiz, informasiya və rabitə xidmətlərində 2,8 faiz, pərakəndə əmtəə dövriyyəsində 1,3 faiz, əhaliyə göstərilən ödənişli xidmətlərdə 1 faiz yüksəliş qeydə alınıb.
Qeyd olunur ki, martın 1-nə muxtar respublikada orta aylıq əməkhaqqı 559,6 manata çatıb.
