Nə ixrac olunur, hara gedir?
2022-ci ilin yanvar-mart aylarında Azərbaycandan 7,9 milyard dollarlıq mal ixrac olunub. Novator.az Dövlət Gömrük Komitəsinə istinadla bildirir ki, bunun 7,2 milyard dolları neft-qaz sektorunun payına düşüb, ən yüksək göstəricilər xam neft və xam neft məhsulları (3 milyard 680 milyon dollar) və təbii qaz (3 milyard 463,8 milyon dollar) üzrə qeydə alınıb, digər məhsullar üzrə 109,5 milyon dollar ixrac rəsmiləşib.
Neft-qaz sektoruna daxil olmayan mallar üzrə ixrac göstəriciləri belədir:
meyvə-tərəvəz – 124,9 milyon dollar
plastmas və ondan hazırlanan məmulatlar – 114,8 milyon dollar
kimya sənayesi məhsulları – 97,2 milyon dollar
pambıq lifi – 72,8 milyon dollar
alüminium və ondan hazırlanan məmulatlar – 69,5 milyon dollar
elektrik enerjisi – 33,4 milyon dollar
qara metallar və onlardan hazırlanan məmulatlar – 33 milyon dollar
pambıq iplik – 13,2 milyon dollar
bitki və heyvan mənşəli piylər və yağlar – 8,9 milyon dollar
şəkər – 7,6 milyon dollar
sement – 5 milyon dollar
tərəvəz və meyvələrin emal məhsulları – 4,1 milyon dollar
çay – 2,1 milyon dollar
alkoqollu və alkoqolsuz içkilər, sirkə – 1,9 milyon dollar
digər mallar – 138,1 milyon dollar.
Azərbaycandan ən çox mal göndərilən ölkələr bunlardır: İtaliya, Türkiyə, Portuqaliya, İsrail, Ukrayna, Yunanıstan, Gürcüstan, Tailand, Rusiya, Böyük Britaniya, Tunis, Rumıniya, Almaniya, İspaniya, Hindistan.
