Azərbaycan nefti bir ildə nə qədər bahalaşıb?
Energetika Nazirliyinin 20 aprel məlumatına görə, “AzəriLayt” markalı Azərbaycan neftinin barreli 109,76 dollara satılır. Novator.az bildirir ki, bu, bir il əvvəlin eyni gününə nəzərən 43,24 dollar yuxarı qiymətdir. 2021-ci il aprelin 20-də Azərbaycan neftinin barreli 66,52 dollara təklif olunmuşdu.
2022-ci ilin dövlət büdcəsində bir barrel neftin qiyməti 50 dollardan götürülüb. “AzəriLayt” yanvara 82,49, fevrala 94,20, marta 102,30, aprelə 112,33 dollarla başlayıb.
Rəsmi hesabata əsasən, 2022-ci ilin ilk rübündə Azərbaycanda 8,3 milyon ton əmtəəlik xam neft çıxarılıb, gündəlik hasilat yanvarda 580,9 min barrel, fevralda 566,3 min barrel, martda 579,4 min barrel olub.
Beynəlxalq razılaşma aprel üçün gündəlik hasilatı 682 min barrel, may üçün 688 min barrel müəyyən edib.
Yanvar-mart aylarında Azərbaycandan 3,6 milyard dollarlıq xam neft və xam neft məhsulu ixrac olunub.
