2022-2023 mövsümü: kimə neçə bilet?
2022-2023 mövsümündə UEFA-nın klub turnirlərinə (Çempionlar Liqası, Avropa Liqası, Konfrans Liqası) qurumun 54 üzvünün komandaları buraxılır (Rusiya yarışlardan kənardır).
Novator.az bildirir ki, İngiltərə, İspaniya, İtaliya, Almaniya marafona 7, Fransa, Portuqaliya 6, Niderland, Belçika, Avstriya, Şotlandiya, Ukrayna, Türkiyə, Danimarka, Kipr 5 komanda ilə çıxmalıdır.
Serbiya, Çexiya, Xorvatiya, İsveçrə, Yunanıstan, İsrail, Norveç, İsveç, Bolqarıstan, Rumıniya, Azərbaycan, Qazaxıstan, Macarıstan, Belarus, Polşa, Sloveniya, Slovakiya, Litva, Lüksemburq, Bosniya, İrlandiya, Şimali Makedoniya, Ermənistan, Latviya, Albaniya, Şimali İrlandiya, Gürcüstan, Finlandiya, Moldova, Malta, Farer adaları, Kosovo, Cəbəllütariq, Monteneqro 4, Uels, İslandiya, Estoniya, Andorra, San Marino 3 bilet alır.
Lixtenşteyn 1 komanda ilə (Konfrans Liqasında) təmsil olunmalıdır.
2022-2023 mövsümü iyunun 21-də Çempionlar Liqasının ilk ələmə mərhələsi ilə açılır, 2023-cü il iyunun 10-da həmin turnirin final matçı ilə bitir.
Konfrans Liqasının startı (birinci mərhələ) iyulun 7-nə, finişi 2023-cü il iyunun 7-nə təyin olunub.
Avropa Liqası avqustun 4-də ilk mərhələdən başlayır, 2023-cü il mayın 31-də final oyunu ilə başa çatır.
Azərbaycan çempionu Çempionlar Liqasında mübarizəyə birinci mərhələdən (5-13 iyul) qoşulur.
Gümüş və bürünc mükafatçılar, həmçinin kubok sahibi Konfrans Liqasında oynayacaq, ikinci mərhələdə (21-28 iyul) siftə edəcək.
