Ukrayna meydanında
Siyasətçi Tofiq Yaqublu aprelin 18-i Bakının Ukrayna meydanında (dairəsində) Ukraynanın dövlət bayrağını qaldırıb. Novator.az-a danışan siyasətçinin sözlərinə görə, sadəcə şəkil çəkdirib, hər hansı şüar səsləndirməyib: “Polis əməkdaşları başımın üstünü aldılar, dedilər burada şəkil çəkdirmək olmaz”.
Tofiq Yaqublu ona qarşı hər hansı zorakılıq olmadığını əlavə edib.
2014-cü ildə Rusiya Ukraynanın Krım yarımadasını tam, Donbas bölgəsini qismən işğal edib. 2022-ci il fevralın 21-də Rusiyanın Ukraynaya yeni təcavüzü başlayıb, fevralın 24-dən isə ölkədə total hərbi əməliyyatlar aparılır, şərq və cənub bölgələrinin bir hissəsi nəzarətə götürülüb.
1961-ci il təvəllüdlü Tofiq Yaqublu milli azadlıq hərəkatının (1988-1991) fəalı, Birinci Qarabağ müharibəsinin veteranıdır. Müsavat Partiyasının və Demokratik Qüvvələrin Milli Şurasının üzvüdür.
