Birinci rübün xarici ticarəti
2022-ci ilin birinci rübünün xarici ticarət hesabatı açıqlanıb. Novator.az bildirir ki, rəsmi məlumata görə, Dövlət Gömrük Komitəsi yanvar-mart aylarında 152 ölkə ilə ticarət əməliyyatı, 7 milyard 980,9 milyon dollarlıq ixrac, 2 milyard 927,1 milyon dollarlıq idxal qeydə alıb, büdcəyə 1 milyard 231,9 milyon manat vəsait ödəyib.
Statistikaya əsasən, ixracın 90,8 faizi neft-qaz sektoruna daxil olan mallardır, idxalda ən böyük pay maşın, mexanizm, elektrik avadanlıqları və onların hissələrini əhatə edir: 20,5 faiz.
Hesabata görə, ixracın 7,2 faizi MDB ölkələrinin, 64,7 faizi Avropa İttifaqı ölkələrinin, 28,1 faizi başqa ölkələrin payına düşüb.
İdxalda MDB-nin payı 27,8 faiz, Avropa İttifaqının payı 15,6 faiz, başqa ölkələrin payı 56,6 faizdir.
Üç ayda ticarət dövriyyəsi və ixrac üzrə əsas tərəfdaş İtaliya, idxal üzrə əsas tərəfdaş Türkiyə olub.
