Makroiqtisadi hesabat
2022-ci ilin yanvar-mart aylarında Azərbaycanda kənd təsərrüfatının ümumi məhsulu 2021-ci ilin birinci rübü ilə müqayisədə 3,4 faiz artıb. Hesabatı yayan Dövlət Statistika Komitəsi heyvandarlıq məhsulları üzrə yüksəlişi 2,8 faiz, bitkiçilik məhsulları üzrə 14,4 faiz göstərir.
Rəsmi məlumata görə, nəqliyyat sektorunda yük daşınması 5,7 faiz, sərnişin daşınması 36,3 faiz irəli gedib, informasiya və rabitə xidmətlərinin həcmində 14,7 faiz artım qeydə alınıb.
Əhalinin gəlirlərinin nominal ifadədə 18,9 faiz artdığı vurğulanır.
Statistikaya əsasən, martın 1-nə ölkənin bank və kredit təşkilatlarının kredit portfeli milli valyuta ekvivalentində 17 milyard 587,2 milyon manat, əhalinin banklardakı əmanətlərinin milli valyuta ekvivalentində məbləği 10 milyard 36,7 milyon manat olub.
İctimai iaşə dövriyyəsinin real ifadədə 1,8 dəfə, əhaliyə göstərilən ödənişli xidmətlərin dəyərinin real ifadədə 5,2 faiz artdığı qeyd edilir.
Rəsmi: maaş 11 faiz, qiymət 12,2 faiz artıb
