Klub turnirləri: qaliblər, yeni iddiaçılar
Novator.az UEFA-nın klub turnirlərində qalib olmuş komandaların siyahısına nəzər salıb.
Çempionlar Liqası
1955-ci ildən keçirilən, 1991-ci ilə qədər Çempionlar kuboku adlanmış turniri 22 komanda udub: “Real” 13, “Milan” 7, “Bavariya”, “Liverpul” 6, “Barselona” 5, “Ayaks” 4, “İnter” (İtaliya), “Mançester Yunayted” 3, “Benfika”, “Nottingem Forest”, “Yuventus”, “Portu”, “Çelsi” 2, “Seltik”, “Feyenoord”, “Aston Villa”, “Hamburq”, “Styaua”, PSV, “Srvena Zvezda”, “Marsel”, “Borussiya” (Dortmund) 1 titula sahibdir.
2021-2022 mövsümündə yarımfinal (26 aprel-4 may) cütlükləri belədir:
“Mançester Siti” – “Real”
“Liverpul” – “Vilyarreal”.
Final 28 maya (Paris) təyin edilib.
Avropa Liqası
1971-ci ildən keçirilən, 2008-ci ilədək UEFA kuboku adlanmış turnirdə 29 komanda qalib olub: “Sevilya” 6, “Liverpul”, “Yuventus”, “İnter” (İtaliya), “Atletiko” 3, “Tottenhem”, “Feyenoord”, “Borussiya” (Mönhenqladbah), “Höteborq”, “Real”, “Parma”, “Portu”, “Çelsi” 2, “Anderlext”, “Ayaks”, PSV, “Ayntraxt” (Frankfurt), “İpsviç”, “Bayer”, “Napoli”, “Bavariya”, “Şalke”, “Qalatasaray”, “Valensiya”, SSKA (Rusiya), “Zenit”, “Şaxtyor” (Ukrayna), “Mançester Yunayted”, “Vilyarreal” 1 uğur qazanıb.
2021-2022 mövsümünün yarımfinalında (28 aprel-5 may) bu cütlüklər yarışır:
“Leypsiq” – “Reyncers”
“Vest Hem” – “Ayntraxt” (Frankfurt).
Finalın (18 may) ev sahibi Sevilyadır.
Yeni turnir olan Konfrans Liqasında ilk mövsümün – 2021-2022 mövsümünün yarımfinalında (28 aprel-5 may) bu cütlüklər üz-üzə gəlir:
“Lester” – “Roma”
“Feyenoord” – “Marsel”.
Final 25 maya (Tirana) təyin olunub.
1960-1999-cu illərdə Kuboklar kuboku adlı turnir də mövcud olub. Həmin turnirdə 32 komandanın zəfəri var: “Barselona” 4, “Milan”, “Çelsi”, “Dinamo” (Kiyev) ,“Anderlext” 2, “Fiorentina”, “Atletiko”, “Tottenhem”, “Sportinq” (Lissabon), “Vest Hem”, “Borussiya” (Dortmund), “Bavariya”, “Slovan” (Slovakiya), “Mançester Siti”, “Reyncers”, “Maqdeburq”, “Hamburq”, “Valensiya”, “Dinamo” (Tbilisi), “Aberdin”, “Yuventus”, “Everton”, “Ayaks”, “Mexelen”, “Sampdoriya”, “Mançester Yunayted”, “Verder”, “Parma”, “Arsenal” (London), “Saraqosa”, PSJ, “Latsio” 1 titul götürüb.
