Hasilat 5,4 faiz azalıb
2022-ci ilin ilk rübündə Azərbaycanda 8,3 milyon ton əmtəəlik xam neft hasil olunub. Novator.az-ın məlumatına görə, hesabatı yayan Dövlət Statistika Komitəsi hasilatın əvvəlki ilin yanvar-mart ayları ilə müqayisədə 5,4 faiz azaldığını bildirir.
Energetika Nazirliyi gündəlik xam neft hasilatını yanvarda 580,9 min barrel, fevralda 566,3 min barrel, martda 579,4 min barrel göstərib.
Beynəlxalq razılaşma aprel üçün gündəlik hasilatı 682 min barrel, may üçün 688 min barrel müəyyən edib.
2022-ci ilin dövlət büdcəsində bir barrel neftin qiyməti 50 dollardan götürülüb. “AzəriLayt” markalı Azərbaycan nefti yanvara 82,49, fevrala 94,20, marta 102,30, aprelə 112,33 dollarla başlayıb.
Son illərin hasilat göstəriciləri belədir: 2008-ci il – 44,5 milyon ton, 2009-cu il – 50,4 milyon ton, 2010-cu il – 50,8 milyon ton, 2011-ci il – 45,6 milyon ton, 2012-ci il – 43,4 milyon ton, 2013-cü il – 43,5 milyon ton, 2014-cü il – 42 milyon ton, 2015-ci il – 41,6 milyon ton, 2016-cı il – 41 milyon ton, 2017-ci il – 38,7 milyon ton, 2018-ci il – 38,8 milyon ton, 2019-cu il – 37,4 milyon ton, 2020-ci il – 34,5 milyon ton, 2021-ci il – 34,6 milyon ton.
