“Avroviziya 2022” təmsilçilərinin qələbə şansları
Mayın 10-14-ü İtaliyanın Turin şəhərində keçiriləcək “Avroviziya 2022” mahnı müsabiqəsinə 40 ölkə qatılır. Novator.az bildirir ki, bukmeker kontorlarında pul qoyuluşu statistikasına əsaslanan Eurovisionworld.com saytı müsabiqə iştirakçılarının qələbə imkanları ilə bağlı yeni açıqlama yayıb. İlk üçlük şans baxımından belə sıralanır:
Ukraynadan “Kaluş” qrupu – 34%
İtaliyadan Alessandro Mahmud və Rikkardo Fabbrikoni – 17%
İsveçdən Korneliya Yakobs – 13%.
Böyük Britaniyadan Sem Rayder 5%, Polşadan Kristian Oçman 4%, İspaniyadan Şanel Terrero, Yunanıstandan Amanda Tenford 3%, Niderlanddan Stin den Hollander, Norveçdən “Subwoolfer” qrupu 2% şansla göstərilir.
1% şansı olan təmsilçilər bunlardır: Avstraliyadan Şeldon Rayli, Azərbaycandan Nadir Rüstəmli, Belçikadan Jeremi Makiz, Ermənistandan Roza Kostandyan, Estoniyadan Stefan Ayrapetyan, Finlandiyadan “The Rasmus” qrupu, Fransadan Aleksis Morvan-Rozius və “Ahez” qrupu, İsveçrədən Marius Bea, Kiprdən Andromaxi Dimitropulu, Portuqaliyadan Mariana Sekka, San Marinodan Lauro De Marinis, Serbiyadan Ana Curiç.
Qalan təmsilçilərin şansları 1%-dən az qiymətləndirilir:
Albaniya – Ronela Hayati
Almaniya – Malik Harris
Avstriya – Luka Mixlmayr və Pia Maria
Bolqarıstan – “İntelligent Music Project” qrupu
Çexiya – “We Are Domi” qrupu
Danimarka – “Reddi” qrupu
Gürcüstan – “Circus Mircus” qrupu
Xorvatiya – Mia Dimşiç
İrlandiya – Bruk Skulyon
İslandiya – Siqridur, Elizabet, Elin bacıları
İsrail – Maykl Ben Devid
Latviya – “Citi Zeni” qrupu
Litva – Monika Lübinayte
Malta – Emma Muskat
Moldova – “Zdob şi Zdub” və “Advahov qardaşları” qrupları
Monteneqro – Vladana Vuçiniç
Rumıniya – Andrey İonuts Ursu
Sloveniya – “Last Pizza Slice” qrupu
Şimali Makedoniya – Andrea Koyevska.
İctimai teleradioları bir araya gətirən Avropa Yayım Birliyi “Avroviziya” yarışını 1956-cı ildən keçirir. Müsabiqədə İrlandiya 7, İsveç 6, Böyük Britaniya, Fransa, Lüksemburq, Niderland 5, İsrail 4, Danimarka, İtaliya, Norveç 3, Almaniya, Avstriya, İspaniya, İsveçrə, Ukrayna 2 dəfə, Azərbaycan, Belçika, Estoniya, Finlandiya, Latviya, Monako, Portuqaliya, Rusiya, Serbiya, Türkiyə, Yuqoslaviya, Yunanıstan 1 dəfə qalib olub.
