Sənaye və sərmayə hesabatları
Sənaye müəssisələri və fərdi sahibkarlar 2022-ci ilin yanvar-mart aylarında 20,6 milyard manatlıq, 2021-ci ilin ilk rübü ilə müqayisədə 3,9 faiz çox məhsul istehsal edib. Novator.az-ın məlumatına görə, hesabatı yayan Dövlət Statistika Komitəsi bildirir ki, neft-qaz sektorunda məhsul istehsalı 1,1 faiz, qeyri neft-qaz sektorunda 18,1 faiz artıb.
Başqa rəsmi məlumata əsasən, yanvar-mart aylarında əsas kapitala 2 milyard 440,7 milyon manat, 2021-ci ilin eyni dövrünə nəzərən 9,5 faiz az vəsait yönəldilib. Neft-qaz sektoruna investisiyaların 28 faiz azaldığı, qeyri neft-qaz sektoruna yönəldilən vəsaitin 10,1 faiz artdığı vurğulanır.
