Mərkəzi Bankda yeni sədr
Milli Məclisin 12 aprel iclasında prezident İlham Əliyevin təqdimatlarına baxılmış, Elman Rüstəmov Mərkəzi Bankın İdarə Heyətindən çıxarılmış, onu Taleh Kazımov əvəzləmişdi. Aprelin 13-də sərəncam imzalayan dövlət başçısı Taleh Kazımovu Mərkəzi Bankın sədri təyin edib.
1983-cü il təvəllüdlü Taleh Kazımov Azərbaycan Texniki Universitetini bitirib, indiki Azərbaycan Dövlət Neft və Sənaye Universitetində və ABŞ-ın Corciya Ştat Universitetində magistr dərəcələri alıb.
2015-ci ildən “Paşa Bank”ın baş icraçı direktoru və İdarə Heyətinin sədri idi.
Elman Rüstəmov Mərkəzi Banka (2009-cu ilədək Milli Bank adlanıb) 1995-ci ildən sədrlik edirdi. Aprelin 13-də onun baş nazirin müşaviri təyin edildiyi xəbəri yayılıb.
