Hasilat göstəricisi, qiymət
2022-ci ilin martında Azərbaycanın gündəlik xam neft hasilatı 579,4 min barrel olub. Hesabatı aprelin 13-də Energetika Nazirliyi yayıb.
Yanvarda 580,9 min barrel, fevralda 566,3 min barrel gündəlik hasilat qeydə alınmışdı.
Beynəlxalq razılaşmaya görə, aprel üçün gündəlik hasilat 682 min barrel, may üçün 688 min barrel müəyyən edilib.
Aprelin 13-də “AzəriLayt” markalı Azərbaycan neftinin barreli 109,11 dollara satılır.
Novator.az bildirir ki, 2022-ci ilin dövlət büdcəsində bir barrel neftin qiyməti 50 dollardan götürülüb. “AzəriLayt” yanvara 82,49, fevrala 94,20, marta 102,30, aprelə 112,33 dollarla başlayıb.
