Rəsmi: maaş 11 faiz, qiymət 12,2 faiz artıb
Dövlət Statistika Komitəsi makroiqtisadi göstəricilər yayıb. Novator.az bildirir ki, hesabata görə, 2022-ci il martın 1-nə Azərbaycan iqtisadiyyatında muzdla çalışan işçilərin orta aylıq nominal əməkhaqqı əvvəlki ilin eyni dövrünə nisbətən 11 faiz artaraq 768,3 manata çatıb.
Başqa rəsmi məlumata əsasən, yanvar-mart aylarında istehlak qiymətləri 2021-ci ilin ilk rübü ilə müqayisədə 12,2 faiz artıb, ərzaq məhsulları, içkilər və tütün məmulatları 17 faiz, qeyri-ərzaq məhsulları 6,2 faiz, ödənişli xidmətlər 10,1 faiz bahalaşıb.
İlk rübdə pərakəndə ticarət dövriyyəsinin əvvəlki ilin eyni dövrünə nəzərən real ifadədə 3,1 faiz yüksəldiyi vurğulanır: “Üç ayda istehlaka xərclənən vəsaitin 51 faizi ərzaq məhsullarının, 5,5 faizi içkilərin və tütün məmulatlarının payına düşüb”.
