ADR-in aksiyası
Azərbaycan Demokratiya və Rifah (ADR) Partiyasının bir qrup üzvü aprelin 12-si Bakının Abbasqulu ağa Bakıxanov küçəsində, Rusiya səfirliyi qarşısında toplaşıb. Aksiyada Rusiyanın Ukraynada apardığı işğalçı müharibəyə etiraz şüarları səsləndirilib, həmçinin Azərbaycanın Yuxarı Qarabağ bölgəsində yerləşdirilmiş Rusiya hərbçilərinin ölkədən çıxarılması tələbi qoyulub.
Polis aksiyaçıları ərazidən uzaqlaşdırıb.
ADR Partiyası 2021-ci ildə, 2015-ci ildən fəaliyyət göstərmiş Azərbaycan Demokratiya və Rifah Hərəkatının bazasında təsis olunub. Partiyaya iqtisad elmləri namizədi, London İqtisadiyyat Məktəbinin professoru Qubad İbadoğlu sədrlik edir.
