Pakistanda yeni baş nazir
Pakistan parlamentinin aşağı palatası – Milli Assambleya aprelin 11-də ölkənin yeni baş nazirini seçib. Novator.az bildirir ki, hökumətə rəhbərlik Müsəlman Liqasından Şahbaz Şərifə həvalə olunub. Şahbaz Şərif 1951-ci ildə doğulub, sabiq baş nazir Nəvaz Şərifin qardaşıdır. 1949-cu il təvəllüdlü Nəvaz Şərif 1990-1993, 1997-1999, 2013-2017-ci illərdə baş nazir postunu tutub.
Əvvəlki baş nazir İmran Xan aprelin 9-da istefaya göndərilib.
İmran Xan 2018-ci il avqustun 18-dən baş nazir idi. Onun başçılıq etdiyi Ədalət Uğrunda Hərəkat həmin il iyulun 25-də Milli Assambleyaya keçirilən seçkidə qalib gəlmiş, yekunda İmran Xan digər qüvvələrlə birgə hökumət qurmuşdu.
