Fransa: seçim ikinci tura qaldı
Fransada aprelin 10-da keçirilmiş prezident seçkisinin ilkin nəticələri açıqlanıb. Novator.az bildirir ki, 12 namizədin yarışdığı marafonda dövlət başçısı Emmanuel Makron 27,6% səslə önə çıxıb. Onu 23,4% səslə Milli Birlik Partiyasının lideri Marin Le Pen təqib edir. Bu şəxslər aprelin 24-nə təyin olunan ikinci tura vəsiqə alır.
Fəthedilməz Fransa Partiyasının namizədi Jan-Lük Melanşon 21,9%, ifrat millətçilərin namizədi Erik Zemmur 7%, Respublikaçılar Partiyasının namizədi Valeri Pekres 4,7% səs yığıb.
Qalan namizədlər belə sıralanıb:
Yaşıllar Partiyasının namizədi Yannik Jado – 4,5%
“Müqavimət Göstərək!” Partiyasının namizədi Jan Vassal – 3,1%
Kommunist Partiyasının namizədi Fabyen Russel – 2,3%
“Qalx, Fransa!” Partiyasının namizədi Nikola Düpon-Enyan – 2%
Sosialist Partiyasının namizədi Ann İdalqo –1,7%
Yeni Antikapitalist Partiyasının namizədi Filipp Putu – 0,7%
Fəhlə Mübarizəsi Partiyasının namizədi Natali Arto – 0,5%.
Emmanuel Makron Fransanın 8-ci prezidentidir. Ondan əvvəl dövlət başçısı postunu Şarl de Qoll, Jorj Pompidu, Valeri Jiskar d’Esten, Fransua Mitteran, Jak Şirak, Nikola Sarkozi və Fransua Oland tutublar.
