“AzəriLayt” neçəyədir?
Energetika Nazirliyinin 8 aprel məlumatına görə, “AzəriLayt” markalı Azərbaycan neftinin barreli 102,69 dollara satılır.
Novator.az bildirir ki, 2022-ci ilin dövlət büdcəsində bir barrel neftin qiyməti 50 dollardan götürülüb. “AzəriLayt” yanvara 82,49, fevrala 94,20, marta 102,30, aprelə 112,33 dollarla başlayıb.
Rəsmi hesabata əsasən, ölkənin gündəlik xam neft hasilatı yanvarda 580,9 min barrel, fevralda 566,3 min barrel olub.
Beynəlxalq razılaşmaya görə, apreldə hasilat 682 min barreli, mayda 688 min barreli ötməməlidir. Hasilat kvotasını iri neft ixracatçılarını birləşdirən OPEK+ koalisiyası müəyyən edib.
