Nazirin reydi
Mod.gov.az-ın 7 aprel məlumatına görə, müdafiə naziri Zakir Həsənov Quru Qoşunlarının Ümumqoşun Təlim Mərkəzində yeni inşa edilmiş inzibati binada yaradılan şərait, həmçinin təlim sahəsində görülən işlərlə tanış olub.
Nazir Kəlbəcər rayonunda yerləşən hərbi hissəyə də baş çəkib. Bildirilib ki, hərbi hissədə mebellərlə təchiz edilmiş yataqxana və xidməti otaqlar, hamam-sanitar qovşağı, qurutma otağı, tibb məntəqəsi, ehtiyat qidaların saxlanması üçün ərzaq anbarı, yeməkxana və mətbəx avadanlığı var, binada mərkəzləşdirilmiş istilik sistemi, işıq, su və dayanıqlı rabitə ilə təmin olunub.
Zakir Həsənov təlim mərkəzində hərbi qulluqçuların nümunəvi çıxışlarını izləyib.
