Dünya çempionatı komandalarının təqdimatı
2022-ci il noyabrın 21-dən dekabrın 18-dək Qətərdə 22-ci dünya futbol çempionatının final mərhələsi keçiriləcək. İştirakçıların 29-u bəllidir. Son 3 vəsiqə uğrunda Şotlandiya, Ukrayna, Uels; Asiya təmsilçisi ilə (Avstraliya və ya BƏƏ) Peru; Kosta Rika ilə Yeni Zelandiya mübarizə aparır.
Novator.az yarışa vəsiqə alan milli komandaların əvvəlki dünya çempionatlarında əldə etdiyi ən yüksək nəticələri diqqətə çatdırır:
Braziliya – 5 dəfə çempion olub;
Almaniya – 4 dəfə çempion olub;
Uruqvay, Argentina, Fransa – hər biri 2 dəfə çempion olub;
İngiltərə, İspaniya – hər biri 1 dəfə çempion olub;
Niderland – 3 dəfə ikinci yeri tutub;
Xorvatiya – 1 dəfə ikinci yeri tutub;
Polşa – 2 dəfə üçüncü yeri tutub;
ABŞ, Portuqaliya, Belçika hər biri – 1 dəfə üçüncü yeri tutub;
Cənubi Koreya – 1 dəfə dördüncü yeri tutub;
İsveçrə – 3 dəfə 1/4 finala çıxıb;
Meksika 2 dəfə 1/4 finala çıxıb;
Kamerun, Danimarka, Seneqal, Qana – hər biri 1 dəfə 1/4 finala çıxıb;
Yaponiya – 3 dəfə 1/8 finala çıxıb;
Mərakeş, Səudiyyə Ərəbistanı, Ekvador – hər biri 1 dəfə 1/8 finala çıxıb;
İran, Tunis – hər biri 5 final mərhələsində iştirak edib;
Serbiya – 2 final mərhələsində iştirak edib;
Kanada – 1 final mərhələsində iştirak edib;
Qətər – final mərhələsinə ilk dəfə qatılır.
Serbiya Yuqoslaviyanın, eləcə də Serbiya və Çernoqoriyanın varisi kimi tanınır. Yuqoslaviya 2 dünya çempionatında dördüncü yeri tutub, Serbiya və Çernoqoriya 1 final mərhələsində iştirak edib.
