2022-ci ilin dünya futbol çempionatının final mərhələsinə çıxan komandaların sayı 29-a çatıb.
Noyabrın 21-dən dekabrın 18-dək Qətərdə keçiriləcək final raunduna 32 vəsiqənin 1-i ev sahibinə verilib.
Novator.az-ın məlumatına görə, Afrikadan turnirə Kamerun, Qana, Mərakeş, Seneqal, Tunis yığmaları gəlir.
Asiyadan Cənubi Koreya, İran, Səudiyyə Ərəbistanı, Yaponiya finala adlayıb.
Cənubi Amerikadan Argentina, Braziliya, Ekvador, Uruqvay bilet alıb.
Şimali və Mərkəzi Amerikadan ABŞ, Kanada, Meksika vəsiqə götürüb.
Avropanın bu təmsilçiləri bəllidir: Almaniya, Belçika, Danimarka, Fransa, Xorvatiya, İngiltərə, İspaniya, İsveçrə, Niderland, Polşa, Portuqaliya, Serbiya. Son vəsiqə uğrunda üç komanda yarışır: Şotlandiya, Ukrayna, Uels.
2 biletin sahibi Asiya təmsilçisi ilə (Avstraliya və ya BƏƏ) Peru, Kosta Rika ilə Yeni Zelandiya arasında oyunlarda müəyyənləşəcək.
1930-cu ildən keçirilən dünya çempionatlarında Braziliya 5 dəfə, İtaliya və Almaniya 4 dəfə, Uruqvay, Argentina və Fransa 2 dəfə, İngiltərə və İspaniya 1 dəfə qızıl medallara sahib olub.
