Qətər bileti alanların yeni siyahısı
Novator.az 2022-ci ilin dünya futbol çempionatının final mərhələsinə çıxan komandaların yeni siyahısını təqdim edir.
Avropanın bu təmsilçiləri bəllidir: Almaniya, Belçika, Danimarka, Fransa, Xorvatiya, İngiltərə, İspaniya, İsveçrə, Niderland, Polşa, Portuqaliya, Serbiya.
Son vəsiqə uğrunda üç komanda yarışır: Şotlandiya, Ukrayna, Uels.
Afrikadan Kamerun, Qana, Mərakeş, Seneqal, Tunis yığmaları gəlir.
Cənubi Amerikadan Argentina, Braziliya, Ekvador, Uruqvay bilet alıb.
Asiyadan Cənubi Koreya, İran, Səudiyyə Ərəbistanı, Yaponiya finala adlayıb.
Şimali və Mərkəzi Amerikadan Kanada vəsiqə alıb. Qalan 2 vəsiqəyə ABŞ, Meksika və Kosta Rikanın imkanları var.
2 vəsiqə Asiya təmsilçisi ilə (Avstraliya və ya BƏƏ) Cənubi Amerika təmsilçisi (Peru), Şimali və Mərkəzi Amerika təmsilçisi ilə Okeaniya təmsilçisi (Solomon adaları və ya Yeni Zelandiya) arasında əlavə oyunlarda müəyyənləşəcək.
2022-ci il noyabrın 21-dən dekabrın 18-dək Qətərdə keçiriləcək final raunduna 32 vəsiqənin 1-i ev sahibinə verilib.
1930-cu ildən keçirilən dünya çempionatlarında Braziliya 5 dəfə, İtaliya və Almaniya 4 dəfə, Uruqvay, Argentina və Fransa 2 dəfə, İngiltərə və İspaniya 1 dəfə qızıl medallara sahib olub.
